“දුල්ලභෝ මනුස්සත්තපටිලාභෝ“ මිනිසත් බව ලැබීම දුර්ලභ ය. ඒ දුර්ලභ වූ මනුෂ්‍යාත්මභාවය තමන්ට මෙන් ම අනුන්ට ද හිත වැඩ පිණිස පවත්වාගෙන යාම ඊටත් වඩා දුර්ලභ කරුණකි. ඉතා වේගයෙන් මිනිසුන් තුළ මනුෂ්‍ය ධර්ම පිරිහෙමින් පවත්නා මෙබඳු යුගයක මනුෂ්‍යත්වයේ ගරුත්වය සුරැකීම සඳහා පුද්ගලයන් වශයෙන් මෙන් ම කණ්ඩායම් වශයෙන් ද කැපවීම අත්‍යවශ්‍ය ය. එම අවශ්‍යතාව මීට දශක තුනකට ඉහත දී හඳුනාගත් පී. කේ. යූ. අදිකාරම් මහත්මා “මනුෂ්‍යත්වයේ ගරුත්වය උදෙසා විමසිලිමත් සමානාත්මතා සත්ජන සමාජයක්“ ගොඩනැඟීමේ උදාර අධ්‍යාශය ඇති ව සත්ජන සමාජ සංවර්ධන පදනම ආරම්භ කිරීම ප්‍රශංසනීය ය.
විවිධ අරමුණු හා පරමාර්ථ ඇති ව ආරම්භ කෙරෙන සමාජසේවා සංවිධාන අතර සත්ජන සමාජ සංවර්ධන පදනම තරමක් වෙනස් යැ යි හැෙ`ග්. එයට හේතුව තමන් තුළ මනුෂ්‍යත්වය අවදි කරමින් අන්‍යයන් තුළ මනුෂ්‍යත්වය අවදි කරවීමට කැපවන සංවිධානයක් වීම ය. ඒ ස`දහා භාවිතයට ගන්නා ප්‍රධාන උපාය මාර්ගය වනුයේ සහභාගිත්ව සංවර්ධන න්‍යාය යි. එනම් බෝසත් උපාය මාර්ගය යි.
බෝසත්වරු සසර පුරාවට අන්‍යයන්ගේ යහපත වෙනුවෙන් කැපවෙති. එය ම උන්වහන්සේලාට දුර්ගුණ දුරුකරන යහගුණ වඩන උපාය මාර්ගය වෙයි. එය ම බුදුබව ලබන උපාය මාර්ගය ද වෙයි. සැවොම සම්බුදුබව නොපැතුව ද අපි සැම එමග යන්නෝ වෙමු.
අසූව දසකයේ අග භාගයේ දී එවකට ශ්‍රී ලංකාවේ පැවති සමාජ දේශපාලනික ස්වභාවය මත පැනනැඟී තිබුණු ව්‍යසනකාරී වටපිටාවෙන් ලද අත්දැකීම් හා පන්නරය හේතුකොටගෙන මසිත හටගත් “මනුෂ්‍යත්වයේ සුපෝෂණය උදෙසා යම් දර්ශනයක් හා චරණයක් මානව ප්‍රජාව වෙත දායාද කිරීමේ චේතනාව“ සත්ජන සමාජ සංවර්ධන පදනමේ උපතට හේතු විය. එතැන් පටන් දින සති මාස වර්ෂවලට පෙරැලී ගෙවුණු තිස් වසරක අතීතය ප්‍රත්‍යවලෝකනය කරන අපගේ ප්‍රාර්ථනාව වනුයේ, විවිධ හේතු මත ඛෙදී ඇති විශ්ව මානව සමාජය සත්ජන දර්ශනය මත රැෙ`දමින්, මනුෂ්‍යත්වයට ගරු කරන මානව ගුණාංග හා සංගත වූ උපේක්ෂා පූර්වාංගම විශ්ව සාධාරණ සත්ජන මානව සමාජයක් ගොඩනැඟීම හා මනුෂ්‍යත්වයේ සුපෝෂණය උදෙසා එක් ව ක්‍රියා කරමින් සත්ජන කල්‍යාණමිත්‍ර සන්ථවයෙන් බැ`දී පෙරටුගාමී වීම, දූතගාමී වීම තුළින් සක්‍රිය වනු දැකීම යි.
අංක 28, සෙත්සෙවන, පෝරුවදණ්ඩ. ශී්‍ර ලංකාව
0773436640 / 0718403246 / 0773721502
info@sathjana.org
